ഇനി മുതൽ യൂനിഫോം ധരിക്കാത്ത ടാക്​സി ഡ്രൈവര്‍മാര്‍ക്ക്​ 500 റിയാല്‍ പിഴ

ജിദ്ദ: യൂനിഫോം ധരിക്കാത്ത ടാക്​സി ഡ്രൈവര്‍മാര്‍ക്ക്​ 500 റിയാല്‍ പിഴ ചുമത്തുമെന്ന്​ ട്രാഫിക്​ വിഭാഗം. ടാക്​സിയില്‍ മീറ്റര്‍ ഘടിപ്പിച്ചിട്ടില്ലെങ്കില്‍ 5,000 റിയാലാണ്​ പി​ഴയെന്നും പബ്ലിക്​ ട്രാന്‍സ്​പോര്‍ട്​ അതോറിറ്റി ഇന്‍സ്​പെക്​ടര്‍ ബകര്‍ ഹൗസാവി അറിയിച്ചു.

 

അകവും പുറവും വൃത്തിയായി സൂക്ഷിക്കാത്ത ടാക്​സികള്‍ക്കും പിഴയീടാക്കാന്‍ വകുപ്പുണ്ട്​. 500 റിയാല്‍ വരെ ഇതിന്​ നല്‍കേണ്ടിവരും. ‘ടാക്​സി റിയാദ്​’, ‘ടാക്​സി ജിദ്ദ’ എന്നിങ്ങനെ വാഹനത്തിന്​ മുകളില്‍ പിടിപ്പിക്കുന്ന ടോപ്​സൈന്‍ വ്യക്​തമാകാതിരിക്കുകയോ ഇല്ലാതിരിക്കുകയോ ചെയ്​താലും പിഴ വരും. ആയിരം റിയാല്‍ വരെ ഡ്രൈവറില്‍ നിന്ന്​ ഇൗടാക്കും.

 

കമ്ബനി ലൈസന്‍സ്​ വിവരങ്ങള്‍ കൃത്യമായി പ്രദര്‍ശിപ്പിക്കാതിരിക്കുക, ഫസ്​റ്റ്​ എയ്​ഡ്​ കിറ്റ്​, അഗ്​നിശമന ഉപകരണം എന്നിവ കരുതാതിരിക്കുക എന്നിവയും നടപടി ക്ഷണിച്ചുവരുത്തുന്നതാണ്​. 1,500 റിയാല്‍ വരെ പിഴ വിധിക്കാവുന്ന കുറ്റങ്ങളാണ്​ ഇവ. വാഹനത്തി​​െന്‍റ ക്ഷമതയും സുരക്ഷാസംവിധാനങ്ങളും കൃത്യമായി പരിശോധിച്ച്‌​ ഉറപ്പുവരുത്തിയശേഷം മാത്രമേ നിരത്തിലിറക്കാന്‍ പാടുള്ളുവെന്നും ട്രാഫിക്​ വിഭാഗം വ്യക്​തമാക്കി.

Leave a Reply

Your email address will not be published.